சுகாதார இராஜங்க அமைச்சர் திருமலை விஜயம்

சுகாதார இராஜங்க அமைச்சர் பைஸல் காஸீம், நாளையும் (29) நாளை மறுதினமும் (30), திருகோணமலை மாவட்டத்துக்கு விஜயம் மேற்கொள்ளவுள்ளார்.

திருகோணமலை மாவட்டத்திலுள்ள திருகோணமலை, புல்மோட்டை, குச்சவெளி, நிலாவெளி, கந்தளாய், முள்ளிப்பொத்தானை, கிண்ணியா, மூதூர், தோப்பூர் ஆகிய வைத்தியசாலைகளுக்கு உத்தியோகபூர்வ விஜயத்தை, சுகாதார  இராஜங்க அமைச்சர் இதன்போது மேற்கொள்ளவுள்ளார்.

திருகோணமலை மாவட்ட ஸ்ரீ லங்கா முஸ்லிம் காங்கிரஸ் நாடாளுமன்ற உறுப்பினர் எம்.எஸ்.தௌபீக், கிழக்கு மாகாண சபை முன்னாள் உறுப்பினரும் சுகாதார இராஜங்க அமைச்சரின் இணைப்பாளருமான ஆர்.எம்.அன்வர் ஆகியோர்  விடுத்த வேண்டுகோளுக்கிணங்க, இந்த விஜயத்தை  இராஜங்க அமைச்சர் மேற்கொள்கின்றார்.