தென்னங்கன்றுகள் வழங்கி வைப்பு

தம்பலகாமம் பிரதேச செயலாளர் பிரிவுக்குட்பட்ட முள்ளிப்பொத்தானை புஹாரிநகர், ஈச்சநகர் பகுதிகளைச் சேர்ந்த மக்களுக்கு தென்னங்கன்றுகள், நேற்று (29)  வழங்கி வைக்கப்பட்டன.

ஐக்கிய தேசியக் கட்சி சேருவிலை தொகுதியின் பிரதான அமைப்பாளர் டொக்டர் அருண சிறிசேனவின் ஊடாக, மகரூப் றியால்தீனின் வேண்டுகோளிற்கிணங்க 1,000 தென்னங்கன்றுகள் மக்களுக்கு வழங்கி வைக்கப்பட்டன.

இதன்போது கருத்துத் தெரிவித்த டொக்டர் அருண சிறிசேன,

“கிழக்கு மாகாண  சபை கழைக்கப்பட்டாலும் ஐக்கிய தேசியக் கட்சியின் தலைவர் பிரதமர் ரணில் விக்கிரமசிங்க மற்றும் அமைச்சர்களின் உதவியுடன், பிரதேச வீதி அபிவிருத்திகள், வீடுகள், கழிப்பறைகள் அமைத்துக் கொடுத்தல் போன்ற பல சேவைகளை செய்யத் திட்டமிட்டுமிட்டிருக்கின்றேன்” என்றார்.