மான் வேட்டையாடியவருக்கு மறியல்

மான் வேட்டையாடிய கிண்ணியா, கிரான்  பகுதியைச் சேர்ந்த 50 வயதுடைய நபரொருவரை, எதிர்வரும் 11ஆம் திகதி வரை விளக்கமறியலில் வைக்குமாறு, திருகோணமலை நீதவான் நீதிமன்ற பதில் நீதவான் சுபாசினி உத்தரவிட்டார்.

திருகோணமலை போதைப்பொருள் தடுப்புப் பிரிவுப் பொலிஸாரால் நேற்று முன்தினம் அதிகாலை மேற்கொள்ளப்பட்ட திடீர் சுற்றி வளைப்பின் போது, கிரான் காட்டுப் பிரதேசத்தில் பல வருடங்களாக மிருக வேட்டையில் ஈடுபட்டு வந்த மேற்படி நபர் கைதுசெய்யப்பட்டுள்ளார். 

சந்தேகநபரிடமிருந்து 10.7 கிலோகிராம் மான் இறைச்சியும் கூரிய கத்தி ஒன்றும் அதி சக்தி வாய்ந்த டோர்ச் லைட் ஒன்றும்  கைப்பற்றப்பட்டுள்ளனவென, பொலிஸார் தெரிவித்தனர்.