முதிரை மரக்குற்றிகளை வைத்திருந்தவருக்கு அபராதம்

-அப்துல்சலாம் யாசீம்

திருகோணமலை, மஹதிவுல்வெவப் பகுதியில் 21,792 ரூபாய் பெறுமதியான முதிரை மரக்குற்றிகளைத் தம்வசம் வைத்திருந்த குற்றச்சாட்டின் பேரில் கைதுசெய்யப்பட்ட நபருக்கு, 10 ஆயிரம் ரூபாய் அபராதம் செலுத்துமாறு, திருகோணமலை நீதமன்ற நீதவான் விஷ்வந்த பெர்ணான்டோ, நேற்று (08) உத்தரவிட்டார். 

அதே பகுதியைச் சேர்ந்த 38 வயதுடைய நபருக்கே இவ்வாறு அபராதம் விதிக்கப்பட்டுள்ளது. 

விகாரகமக் காட்டுப்பகுதியில் முதிரை மரங்களை வெட்டி விற்பனை செய்து வருவதாகக் கிடைக்கப்பெற்ற தகவலையடுத்து, குறித்த நபரது, வீட்டுக்குச் சென்று சோதனையிட்ட போது, முதிரை மரக்குற்றிகளைக் கைப்பற்றிய வனப்பரிபாலன திணைக்கள அதிகாரிகள், சந்தேகநபரையும் கைதுசெய்திருந்தனர்.