விபத்தில் இருவர் காயம்

திருகோணமலை, கந்தளாய்ப் பகுதியில் மோட்டார் சைக்கிள் ஒன்றும் ,முச்சக்கர வண்டியொன்றும் நேருக்கு நேர் மோதியதில் நேற்று(21) மாலை விபத்து ஏற்பட்டது என,கந்தலாய்ப் பொலிஸார் தெரிவித்தனர்.

இந்த விபத்தில் மோட்டார் சைக்கிளில் பயணம் செய்த இருவர் பலத்த காயங்களுடன் கந்தளாய் தள வைத்தியசாலையில் அனுமதிக்கப்பட்டனர்.   

குறித்த சம்பவத்தில்,  கந்தளாய் பேராறு பகுதியைச் சேர்ந்த ஏ.எம்.சப்ரான் (20),நௌசாட் முஹம்மட் (21) ஆகிய இருவருமே  பலத்த காயங்களுடன் வைத்தியசாலையில் அனுமதிக்கப்பட்டுள்ளனர்.

சம்பவம் தொடர்பில் கந்தலாய்ப் பொலிஸார் மேலதிக விசாரணையை முன்னெடுத்துள்ளனர்.