வீட்டுக்குள் அத்துமீறியவருக்கு மறியல்

திருகோணமலை, உப்புவெளி பொலிஸ் பிரிவுக்குட்பட்ட பகுதியில் வீடொன்றுக்குள் அத்துமீறி நுழைந்து, அவ்வீட்டிலிருந்த பொருட்களைச் சேதப்படுத்தி 27 வயதுடைய நபரொருவரை, எதிர்வரும் 13ஆம் திகதிவரை விளக்கமறியலில் வைக்குமாறு, திருகோணமலை நீதிமன்ற நீதவான் எம்.எச்.எம்.ஹம்ஸா உத்தரவிட்டார்.

குறித்த நபரின் மனைவியோடு, பொருட்கள் சேதமாக்கப்பட்ட வீட்டின் உரிமையாளர் தகாததொடர்பு வைத்திருப்பதாக அறிந்து, அவரைத் தாக்குவதற்கு அனுமதியின்றி வீட்டுக்குள் புகுந்து பொருட்களை சேதப்படுத்தியதாகவும், அவ்வேளையில் வீட்டின் உரிமையாளர் வீட்டில் இருக்கவில்லையெனவும் பொலிஸார் தெரிவித்தனர்.