வெங்காய தோட்டத்தில் மிதிவெடி

-பதுர்தீன் சியானா

திருகோணமலை நிலாவெளி பகுதியில் வெங்காய பயிர்ச்செய்கைக்காக தோட்டத்தை சுத்தப்படுத்திக்கொண்டிருந்த போது மிதிவெடியொன்று மீட்கப்பட்டுள்ளதாக குச்சவெளி பொலிஸார் இன்று தெரிவித்தனர்.

நிலாவெளி 02ஆம் வட்டாரத்தைச் சேர்ந்த வேலுப்பிள்ளை யோகராஷா என்பவரின் தோட்டக்காணியில் இந்த மிதிவெடி மீட்கப்பட்டதாகவும் பொலிஸார் கூறினர்.

மீட்கப்பட்ட தோட்டத்தில் முன்னர், கடற்படை முகாம் இருந்ததாக ஆரம்பகட்ட விசாரணையின் போது தெரியவந்துள்ளது.

மீட்கப்பட்ட மிதிவெடியை கடற்படையினரின் உதவியுடன் செயழிலக்கச் செய்துள்ளதாகவும் குச்சவெளி பொலிஸார் மேலும் கூறினர்.