விபத்தில் இருவர் காயம்

-அப்துல்சலாம் யாசீம்

திருகோணமலை, கோமரன்கடவெல பகுதியிலிருந்து திரியாய் நோக்கி வேகமாக வந்துகொண்டிருந்த இரண்டு மோட்டார் சைக்கிள்கள் ஒன்றுடனொன்று மோதியதில் காயமடைந்துள்ள இரண்டு பேர் வைத்தியசாலையில் இன்று புதன்கிழமை காலை அனுமதிக்கப்பட்டுள்ளனர்.

கோமரங்கடவெல பகுதியைச் சேர்ந்த ஜெயசிங்க லக்மால் (வயது 37), திருகோணமலை, மின்சார நிலைய வீதியைச் சேர்ந்த மகேந்திரன் சுதன் (வயது 32) ஆகியோரே காயமடைந்துள்ளதாக பொலிஸார் தெரிவித்தனர்.

இவர்கள்  இருவரும் கோமரங்கடவெல கிராமிய வைத்தியசாலையில் அனுமதிக்கப்பட்டனர். இவர்களில் ஜயசிங்க லக்மால் என்பவர் திருகோணமலை பொது வைத்தியசாலைக்கு மாற்றப்பட்டுள்ளதாகவும் இவரின் நிலை கவலைக்கிடமாக இருப்பதாகவும் வைத்தியசாலைத் தகவல்கள் தெரிவித்தன.

விபத்து தொடர்பில் பொலிஸார் விசாரணைகளை மேற்கொண்டுள்ளனர்.