பெரு விளையாட்டுப் போட்டியில் பற்றிமா விளையாட்டுக்கழகத்திற்கு முதலாமிடம்

(ரமன்,கஜன்)

திருகோணமலையில் மெய்வல்லுனர் மற்றும் பெரு விளையாட்டுப் போட்டிகளின் அனைத்துப் பிரிவுகளிலும் அதிகூடிய புள்ளிகளை பெற்று பற்றிமா விளையாட்டுக்கழகம் முதலாம் இடத்தை பெற்றுக்கொண்டது.

திருகோணமலை பட்டணமும் சூழலும் பிரதேச செயலகத்தினால் 2012ஆம் ஆண்டிற்கான விளையாட்டு விழா  பிரதேச செயலகத்திற்கு உட்பட்ட விளையாட்டுக் கழகங்களுக்கிடையே நடத்தப்பட்டன.  

மெக்கேசியர் விளையாட்டு அரங்கில் நேற்று சனிக்கிழமை நடைபெற்ற பரிசளிப்பு விழாவில் இரண்டாம் இடத்தை செல்வநாயகபுரம் விளையாட்டுக்கழகம் பெற்றது.

பட்டணமும் சூழலும் பிரதேச செயலாளர் சசிதேவி ஜலதீபன் தலைமையில் நடைபெற்ற இந்நிகழ்வில் கிழக்கு மாகாண கல்வி, கலாசார, காணி மற்றும் போக்குவரத்துத்துறை அமைச்சின் செயலாளர் ஏ.என்.எம்.புஸ்பகுமார முதன்மை விருந்தினராக கலந்து கொண்டார். சிறப்பு விருந்தினராக கிழக்கு மாகாண விளையாட்டுத்துறை பணிப்பாளர் இசாந் விஜயதிலக்க கலந்து கொண்டார்.

மெய்வல்லுனர் மற்றும் பெருவிளையாட்டுப் போட்டிகளில் பத்து விளையாட்டுக்கழகங்கள் பங்குபற்றின.