கெசல்கமுவ ஓயாவில் சூழல் மாசடைவு

எம்.கிருஸ்ணா

காசல்ரீ நீர்த்தேக்கத்துக்கு நீர் வழங்கும் பொகவந்தலாவ கெசல்கமுவ ஓயாவில், கழிவுகள் கொட்டப்படுவதால், சூழல் மாசடைவதாக பிரதேசவாசிகள் தெரிவிக்கின்றனர்.

பொகவந்தலாவ நகரவாசிகளே, பொகவந்தலாவ பிரிட்வெல் பகுதியில் இவ்வாறு குடியிருப்பு, வர்த்தக நிலையங்களில் நாளாந்தம் சேரும் கழிவுகளை ஆற்றில் வீசுவதாகக் குற்றஞ்சாட்டப்படுகிறது.

நோர்வூட் பிரதேசசபையால் கழிவகற்றல் திட்டம் முன்னெடுக்கப்படுகின்ற போதிலும் இவ்வாறு கழிகள் ஆற்றில் வீசப்படுவதாகவும் இது தொடர்பில் உரிய அதிகாரிகள் கவனம் செலுத்த வேண்டும் என்றும் பிரதேசவாசிகள் தெரிவிக்கின்றனர்.