சந்திப்பு…

இலங்கைக்கு விஜயம் மேற்கொண்டிருக்கும் திராவிட முன்னேற்ற கழகத்தின் ( தி.மு.க) முதன்மைச் செய்தி தொடர்பாளர் கே.எஸ்.இராதாகிருஷ்ணனுடன்  ஐக்கிய தேசிய கட்சியின் இரத்தினபுரி மாவட்ட அமைப்பாளர் எஸ்.ஆனந்தகுமார் சந்திப்பு நடத்தியுள்ளார்.

நட்பு ரீதியில் இந்த சந்திப்பு, ​கொழும்பில் நேற்று (27) நடைபெற்றது. இதன்போது, இலங்கை வாழ் இந்திய வம்சாவளித் தமிழ் மக்கள் ​தொடர்பில் விரிவாக ஆராயப்பட்டுள்ளது.

இலங்கை எதிர்நோக்கியுள்ள பொருளாதார நெருக்கடிக்கு மத்தியில், இந்திய வம்சாவளித் தமிழ் மக்கள் சந்தித்து வரும் பிரச்சினைகள் தொடர்பில் எஸ்.ஆனந்தகுமார்,   விளக்கமளித்துள்ளார்.

இந்த சந்திப்பில்,  இலங்கை இந்திய தொடர்பாளர் மனவை அசோகனும் கலந்துக்கொண்டிருந்தார்.