அத்லெட்டிகோவை வென்ற றியல்

ஸ்பானியக் கால்பந்தாட்டக் கழகங்களுக்கிடையிலான லா லிகா தொடரில், றியல் மட்ரிட்டின் மைதானத்தில் நேற்று அதிகாலை நடைபெற்ற நடப்புச் சம்பியன்களான அத்லெட்டிகோ மட்ரிட்டுடனான போட்டியில் 2-0 என்ற கோல் கணக்கில் றியல் மட்ரிட் வென்றது.

றியல் சார்பாக, கரிம் பென்ஸீமா, மார்கோ அஸென்ஸியோ ஆகியோர் தலா ஒவ்வொரு கோலைப் பெற்றனர்.

இதேவேளை, ஒஸஸுனாவின் மைதானத்தில் நேற்று முன்தினமிரவு நடைபெற்ற அவ்வணிக்கும், பார்சிலோனாவுக்குமிடையிலான போட்டியானது 2-2 என்ற கோல் கணக்கில் சமநிலையில் முடிவடைந்தது. பார்சிலோனா சார்பாக, நிகோ கொன்ஸலேஸ், அப்டே எஸ்ஸல்ஸுலி ஆகியோர் தலா ஒவ்வொரு கோலைப் பெற்றதோடு, ஒஸஸுனா சார்பாக டேவிட் கர்சியா, எஸெக்கியல் அவிலா ஆகியோர் தலா ஒவ்வொரு கோலைப் பெற்றனர்.