அவுஸ்திரேலிய குரான் பிறீ: வென்ற கார்லோஸ் சைன்ஸ்

அவுஸ்திரேலிய குரான் பிறீயானது நேற்று நடைபெற்ற நிலையில் பெராரி அணியின் கார்லோஸ் சைன்ஸ் ஜூனியர் வென்றார்.

பந்தயத்தை இரண்டாமிடத்திலிருந்து ஆரம்பித்த ஸ்பெய்னின் சைன்ஸ், ஆரம்பத்திலேயே பந்தயத்தை முதலாமிடத்திலிருந்து ஆரம்பித்த  நடப்புச் சம்பியனான மக்ஸ் வெர்ஸ்டப்பனை முந்தியே வென்றிருந்தார்.

இரண்டாமிடத்தை சைன்ஸின் சக பெராரி அணி வீரரான சார்ள்ஸ் லெக்கலெர்க்கும், மூன்றாமிடத்தை மக்கலரென் அணியின் லான்டோ நொரிஸும் பெற்றனர்.

இவ்வாண்டுக்கான போர்மியுலா வண் சம்பியன்ஷிப் புள்ளிகள் பட்டியலில் 51 புள்ளிகளுடன் முதலாமிடத்தில் றெட் புல் அணியின் வெர்ஸ்டப்பன் காணப்படுகிறார். இரண்டாமிடத்தில் 47 புள்ளிகளுடன் மொனாக்கோவின் லெக்கலெர்க்கும், மூன்றாமிடத்தில் 46 புள்ளிகளுடன் சைன்ஸும் காணப்படுகின்றனர்.