அவுஸ்திரேலிய பகிரங்கத் தொடர்: சம்பியனான பார்டி

அவுஸ்திரேலிய பகிரங்க டென்னிஸ் தொடரில், உலகின் முதல்நிலை வீராங்கனையான அஷ்லெய் பார்டி சம்பியனாகியுள்ளார்.

நேற்று நடைபெற்ற இறுதிப் போட்டியில் ஐக்கிய அமெரிக்காவின் டானியல் கொலின்ஸை எதிர்கொண்ட அவுஸ்திரேலியாவின் பார்டி 6-3, 7-6 (7-2) என்ற நேர் செட்களில் வென்றே சம்பியனாகியிருந்தார்.

தனது அரையிறுதிப் போட்டியில் ஐக்கிய அமெரிக்காவின் மடிஸன் கீஸை 6-1, 6-3 என்ற நேர் செட்களில் பார்டி வென்றும், கொலின்ஸின் அரையிறுதிப் போட்டியில் 6-4, 6-1 என்ற நேர் செட்களில் உலகின் ஒன்பதாம்  நிலை வீராங்கனையான போலந்தின் இகா ஸ்வியாடெக்கை வென்றுமே இறுதிப் போட்டிக்கு இருவரும் தகுதி பெற்றிருந்தனர்.