இங்கிலாந்து எதிர் இந்தியா: சமநிலையில் மூன்றாவது டெஸ்ட்

இங்கிலாந்து, இந்திய அணிகளுக்கிடையிலான மூன்றாவது டெஸ்ட் போட்டியானது சமநிலையில் காணப்படுகின்றது.

ஐந்து போட்டிகள் கொண்ட இத்தொடரின் முதலாவது போட்டியை இங்கிலாந்தும், இரண்டாவது போட்டியை இந்தியாவும் வென்ற நிலையில் லோர்ட்ஸில் வியாழக்கிழமை (10) ஆரம்பமான இப்போட்டியில் முதலில் துடுப்பெடுத்தாடிய இங்கிலாந்து ஜோ றூட்டின் 104, பிறைடன் கார்ஸின் 56, ஜேமி ஸ்மித்தின் 51, அணித்தலைவர் பென் ஸ்டோக்ஸின் 44, ஒலி போப்பின் 44 ஓட்டங்களோடு தமது முதலாவது இனிங்ஸில் சகல விக்கெட்டுகளையும் இழந்து 387 ஓட்டங்களைப் பெற்றது. பந்துவீச்சில் ஜஸ்பிரிட் பும்ரா 5, நிதிஷ் குமார் ரெட்டி 2, மொஹமட் சிராஜ் 2, இரவீந்திர ஜடேஜா ஒரு விக்கெட்டைக் கைப்பற்றினர்.

பதிலுக்கு தமது முதலாவது இனிங்ஸில் துடுப்பெடுத்தாடிய இந்தியா, லோகேஷ் ராகுலின் 100, றிஷப் பண்டின் 74, ஜடேஜாவின் 72 ஓட்டங்களோடு சகல விக்கெட்டுகளையும் இழந்து 387 ஓட்டங்களைப் பெற்றது. பந்துவீச்சில் கிறிஸ் வோக்ஸ் 3, ஜொஃப்ரா ஆர்ச்சர் 2, ஸ்டோக்ஸ் 2, ஷொய்ப் பஷிர் 1, பிறைடன் கார்ஸ் 1 விக்கெட்டைக் கைப்பற்றினர்.

இந்நிலையில் தமது இரண்டாவது இனிங்ஸில் துடுப்பெடுத்தாடிவரும் இங்கிலாந்து, மூன்றாம் நாள் முடிவில் விக்கெட் இழப்பின்றி இரண்டு ஓட்டங்களைப் பெற்றுள்ளது.