இரண்டாமிடத்துக்கு முன்னேறிய ரஷீட்

சர்வதேச கிரிக்கெட் சபையின் இருபதுக்கு – 20 சர்வதேசப் போட்டிகளுக்கான பந்துவீச்சாளர்களின் தரவரிசையில் இரண்டாமிடத்துக்கு இங்கிலாந்தின் சுழற்பந்துவீச்சாளர் அடில் ரஷீட் முன்னேறியுள்ளார்.

மேற்கிந்தியத் தீவுகளுக்கெதிரான மூன்று போட்டிகளில் 4 விக்கெட்டுகளைக் கைப்பற்றியதைத் தொடர்ந்தே நான்காமிடத்திலிருந்து இரண்டு இடங்கள் முன்னேறி இரண்டாமிடத்தை ரஷீட் அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ஜேக்கப் டஃபி, 2. அடில் ரஷீட், 3. வருண் சக்கரவர்த்தி, 4. வனிது ஹசரங்க, 5. அகீல் ஹொஸைன், 6. அடம் ஸாம்பா, 7. ரவி பிஷ்னோய், 8. மகேஷ் தீக்‌ஷன, 9. ரஷீட் கான், 10. அர்ஷ்டீப் சிங்க்.

மேற்குறிப்பிட்ட போட்டிகளில் 165 ஓட்டங்களைப் பெற்ற ஜொஸ் பட்லர், துடுப்பாட்டவீரர்களுக்கான தரவரிசையில் ஆறாமிடத்திலிருந்து ஓரிடம் முன்னேறி ஐந்தாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ட்ரெவிஸ் ஹெட், 2. அபிஷேக் ஷர்மா, 3. திலக் வர்மா, 4. பில் ஸோல்ட், 5. ஜொஸ் பட்லர், 6. சூரியகுமார் யாதவ், 7. பதும் நிஸங்க, 8. டிம் செய்ஃபேர்ட், 9. குசல் பெரேரா, றீஸா ஹென்ட்றிக்ஸ்.

முதல் ஐந்து சகலதுறைவீரர்களின் தரவரிசை பின்வருமாறு,

1. ஹர்திக் பாண்டியா, 2. மார்க்கஸ் ஸ்டொய்னிஸ், 3. டிபேந்திர சிங் ஐரீ, 4. மொஹமட் நபி, 5. வனிது ஹசரங்க.