இறுதிப் போட்டியில் சிற்றி

ஐரோப்பிய கால்பந்தாட்டச் சங்கங்களின் ஒன்றியத்தின் சம்பியன்ஸ் லீக் தொடரின் இறுதிப் போட்டிக்கு, இங்கிலாந்து பிறீமியர் லீக் கழகமான மன்செஸ்டர் சிற்றி தகுதி பெற்றுள்ளது.

பிரெஞ்சு லீக் 1 கழகமான பரிஸ் ஸா ஜெர்மைனுடனான அரையிறுதிப் போட்டியில், 4-1 என்ற மொத்த கோல் கணக்கில் வென்றமையைத் தொடர்ந்தே முதற்தடவையாக இறுதிப் போட்டிக்கு சிற்றி தகுதி பெற்றுள்ளது.

முதலாவது சுற்று அரையிறுதிப் போட்டியில் 2-1 என்ற கோல் கணக்கில் வென்றிருந்த சிற்றி, தமது மைதானத்தில் இன்று அதிகாலை நடைபெற்ற இரண்டாவது சுற்று அரையிறுதிப் போட்டியில் 2-0 என்ற கோல் கணக்கில் வென்றே, 4-1 என்ற மொத்த கோல் கணக்கில் இறுதிப் போட்டிக்கு சிற்றி தகுதிபெற்றிருந்தது.

சிற்றி சார்பாகப் பெறப்பட்ட இரண்டு கோல்களையும் றியாட் மஹ்ரேஸ் பெற்றிருந்தார்.