இறுதி இரண்டு டெஸ்ட்களிலும் வோர்னர், ஹேசில்வூட் இல்லை

இந்தியாவுக்கெதிரான இறுதி இரண்டு டெஸ்ட் போட்டிகளிலிருந்தும் அவுஸ்திரேலியாவின் ஆரம்பத் துடுப்பாட்டவீரர் டேவிட் வோர்னர், முழங்கை வெடிப்பு காரணமாக விலகியுள்ளார்.

எவ்வாறாயினும், ஒருநாள் சர்வதேசப் போட்டித் தொடருக்கு வோர்னர் இந்தியாவுக்குத் திரும்புவார் என எதிர்பார்க்கப்படுகிறது.

இந்நிலையில், உபாதை காரணமாக ஜொஷ் ஹேசில்வூட்டும் இறுதி இரண்டு டெஸ்ட்களிலும் விளையாட முடியாமல் போயுள்ளது.

இவர்கள் இருவருக்கும் பதிலாக பிரதியீடுகளை அவுஸ்திரேலியா அழைக்காது எனத் தெரிகிறது.