இலங்கையணித் தலைவராக ஹஸரங்க

இலங்கையின் ஒருநாள் சர்வதேசப் போட்டிகளுக்கான, இருபதுக்கு – 20 சர்வதேசப்
போட்டிகளுக்கான அணித்தலைவராக தசுன் ஷானகவின் பதவிக்காலம் முடிவுக்கு வந்துள்ளது.

ஒருநாள் சர்வதேசப் போட்டிகளுக்கு குசல் மென்டிஸையும், இருபதுக்கு – 20 சர்வதேசப்
போட்டிகளுக்கு வனிடு ஹஸரங்கவையும் இலங்கையின் புதிய தேர்வுக் குழு நியமித்துள்ள
நிலையிலேயே மேற்குறிப்பிட்டவாறு ஷானகவின் பதவிக்காலம் முடிவுக்கு வந்துள்ளது.

டெஸ்ட் போட்டிகளுக்கு திமுத் கருணாரத்ன தலைமை தாங்குகின்ற நிலையில், முதன்முறையாக
இலங்கை மூன்று விதமான போட்டிகளுக்கும் மூன்று தலைவர்களைக் கொண்டிருக்கிறது.