இலங்கையின் உடலியல் பயிற்றுநராக நிக் லீ

இங்கிலாந்து பிராந்திய அணியான கென்ற்றின் 32 வயதான முன்னாள் துடுப்பாட்ட வீரரான நிக் லீ, இலங்கை கிரிக்கெட் அணியின் உடலியல் பயிற்றுநராக நியமிக்கப்பட்டுள்ளதாக இலங்கை கிரிக்கெட் சபை, கடந்த ஞாயிற்றுக்கிழமை (25) அறிவித்துள்ளது.

இன்னொரு இங்கிலாந்து பிராந்திய அணியான ஹம்ஷயரின் முன்னாள் உடலியல் பயிற்றுநரான மைக்கல் மெய்னையே நிக் லீ பிரதியீடு செய்கிறார். இரண்டு ஆண்டுகளுக்கு கடந்தாண்டு மே மாதம் மைக்கல் மெய்ன் நியமிக்கப்பட்டிருந்தபோதும், அவுஸ்திரேலியாவுக்கெதிரான தொடரின் முடிவில் தனது பதவியிலிருந்து விலகியிருந்தார்.

எதிர்வரும் ஒக்டோபர் மாதம் முதல் தனது கடமைகளைப் பொறுப்பேற்கவுள்ள நிக் லீ, தற்போது சசெக்ஸ் பிராந்திய அணியின் உடலியல் பயிற்சியாளராக பணியாற்றுகின்றார்.