இஸ்ரேலிடம் தோற்ற பெல்ஜியம்

ஐரோப்பிய கால்பந்தாட்டச் சங்கங்களின் ஒன்றியத்தின் தேசங்களுக்கான லீக் தொடரில், ஹங்கேரியில் திங்கட்கிழமை (18) நடைபெற்ற இஸ்ரேலுடனான குழு பி போட்டியொன்றில் 0-1 என்ற கோல் கணக்கில் பெல்ஜியம் தோற்றது.

இஸ்ரேல் சார்பாகப் பெறப்பட்ட கோலை யர்டென் ஷுவா பெற்றிருந்தார்.

இதேவேளை இத்தாலியில் நடைபெற்ற இன்னொரு குழு பி போட்டியில் அவ்வணியை 3-1 என்ற கோல் கணக்கில் பிரான்ஸ் வென்றது. பிரான்ஸ் சார்பாக அட்ரியன் றபியொட் இரண்டு கோல்களைப் பெற்றதோடு, மற்றைய கோலை அன்ட்ரீயா கம்பியாஸோ பெற்றிருந்தார்.