உக்ரேனிடம் தோற்றது ஸ்பெய்ன்

ஐரோப்பிய கால்பந்தாட்டச் சங்கங்களின் ஒன்றியத்தின் தேசங்களுக்கான லீக் தொடரில், உக்ரேனில் இன்று அதிகாலை நடைபெற்ற குழு டி போட்டியொன்றில் 0-1 என்ற கோல் கணக்கில் உக்ரேனிடம் ஸ்பெய்ன் தோற்றது. உக்ரேன் சார்பாகப் பெறப்பட்ட கோலை விக்டர் சைஹன்கோவ் பெற்றிருந்தார்.

இதேவேளை, ஜேர்மனியில் நடைபெற்ற ஜேர்மனிக்கும், சுவிற்ஸர்லாந்துக்குமிடையிலான குழு டி போட்டியொன்றானது 3-3 என்ற கோல் கணக்கில் சமநிலையில் முடிவடைந்தது. ஜேர்மனி சார்பாக, திமோ வேர்னர், கை ஹவேர்ட்ஸ், சேர்ஜி நர்பி ஆகியோர் தலா ஒவ்வொரு கோலைப் பெற்றனர். சுவிற்ஸர்லாந்து சார்பாக, மரியோ கவரனோவிச் இரண்டு கோல்களையும், றெமோ புரூலர் ஒரு கோலையும் பெற்றனர்.