எல் கிளாசிகோ: றியல் மட்ரிட்டை வீழ்த்திய பார்சிலோனா

ஸ்பானியக் கால்பந்தாட்டக் கழகங்களுக்கு இடையிலான லா லிகா தொடரில், எல் கிளாசிகோ என அழைக்கப்படும் றியல் மட்ரிட் மற்றும் பார்சிலோனாவுக்கு இடையிலான போட்டியில், றியல் மட்ரிட்டின் மைதானத்தில் நேற்று அதிகாலை நடைபெற்றதில் 4-0 என்ற கோல் கணக்கில் றியல் மட்ரிட்டை பார்சிலோனா வீழ்த்தியது.

பார்சிலோனா சார்பாக, பியர்-எமெரிக்-உபமெயாங்க் இரண்டு கோல்களையும், றொனால்ட் அரவுஜோ, பெரன் டொரஸ் ஆகியோர் தலா ஒவ்வொரு கோலைப் பெற்றனர்.

அந்தவகையில், லா லிகா புள்ளிகள் பட்டியலில் 66 புள்ளிகளுடன் முதலாமிடத்தில் றியல் மட்ரிட் காணப்படுகின்றது. 57 புள்ளிகளுடன் இரண்டாமிடத்தில் செவிய்யாவும், 54 புள்ளிகளுடன் மூன்றாமிடத்தில் பார்சிலோனாவும், நான்காமிடத்தில் அத்லெட்டிகோ மட்ரிட்டும் காணப்படுகின்றன. இதில் பார்சிலோனா ஒரு போட்டி குறைவாக விளையாடியுள்ளது.