ஐந்தாம் நாளில் இலங்கை - மேற்கிந்தியத் தீவுகள்

இலங்கைக்கும் மேற்கிந்தியத் தீவுகளுக்குமிடையிலான டெஸ்ட் தொடரின் 2ஆவதும் இறுதியுமான டெஸ்ட் போட்டி, 5ஆவது நாளுக்குச் சென்றுள்ளது.

244 ஓட்டங்களை வெற்றி இலக்காகக் கொண்டு துடுப்பெடுத்தாடிவரும் மேற்கிந்தியத் தீவுகள் அணி, ஒரு விக்கெட்டை இழந்து 20 ஓட்டங்களுடன் காணப்படும் நிலையில், 4ஆம் நாளான இன்று , போட்டி இடம்பெறுவதற்கான வாய்ப்பு ஏற்படவில்லை.

நேற்றிரவு பெய்த கடும் மழை, இன்று மதியம் வரை தொடர்ந்த தூறல் ஆகியன காரணமாக, போட்டியை ஆரம்பிப்பதற்கு முடியாது போயிருந்தது.

மைதானம் முழுவதும் மூடப்பட்ட நிலையில், போட்டி இடம்பெறுவதற்கான வாய்ப்பு இல்லையென, இன்று மதியம் 2.55 மணியளவில் நடுவர்கள் முடிவு செய்தனர்.

நாளைக்கும் மழை பெய்வதற்கான வாய்ப்புகள் இருப்பதாக, வானிலை அவதான நிலையம் எதிர்வுகூறியுள்ளமை குறிப்பிடத்தக்கது.