கோப்பா அமெரிக்கா: சமநிலையில் உருகுவே – சிலி போட்டி

பிரேஸிலில் இன்று அதிகாலை நடைபெற்ற உருகுவே, சிலிக்கிடையிலான போட்டியானது 1-1 என்ற கோல் கணக்கில் சமநிலையில் முடிவடைந்தது.

சிலி சார்பாகப் பெறப்பட்ட கோலை எடுவார்டோ வர்காஸ் பெற்றதோடு, உருகுவே சார்பாகப் பெறப்பட்ட கோலானது ஓவ்ண் கோல் முறையில் பெறப்பட்டிருந்தது.

இதேவேளை, பராகுவேயுடனான போட்டியில் 1-0 என்ற கோல் கணக்கில் ஆர்ஜென்டீனா வென்றிருந்தது. ஆர்ஜென்டீனா சார்பாகப் பெறப்பட்ட கோலை அலெஜான்ரோ கோமிஸ் பெற்றிருந்தார்.

இப்போட்டியில் வென்றதன் மூலம் காலிறுதிப் போட்டிக்கு ஆர்ஜென்டீனா தகுதி பெற்றுள்ளது.