சமநிலையில் நாப்போலி - உடினிஸ் போட்டி

இத்தாலியக் கால்பந்தாட்டக் கழகங்களுக்கிடையிலான சீரி ஏ தொடரில், தமது மைதானத்தில் திங்கட்கிழமை (10) அதிகாலை நடைபெற்ற உடினிஸுடனான போட்டியை 1-1 என்ற கோல் கணக்கில் நாப்போலி சமப்படுத்தியது.

நாப்போலி சார்பாகப் பெறப்பட்ட கோலை ஸ்கொட் மக்டொமினி பெற்றதோடு, உடினிஸ் சார்பாகப் பெறப்பட்ட கோலை ஜூர்ஜன் எக்கெலென்கம்ப் பெற்றிருந்தார்.

சீரி ஏ புள்ளிகள் பட்டியலில் 55 புல்ளிகளுடன் முதலாமிடத்தில் நாப்போலி காணப்படுகின்றது. 51 புள்ளிகளுடன் இரண்டாமிடத்தில் நடப்புச் சம்பியன்களான இன்டர் மிலனும், 50 புள்ளிகளுடன் மூன்றாமிடத்தில் அத்லாண்டாவும், 45 புள்ளிகளுடன் நான்காமிடத்தில் லேஸியோவும் காணப்படுகின்றன. இதில் மற்றைய அணிகளை விட இன்டர் ஒரு போட்டி குறைவாக விளையாடியுள்ளது.