சமநிலையில் றியல் – மொச்சென்கிளெட்பா போட்டி

ஐரோப்பிய கால்பந்தாட்டச் சங்கங்களின் ஒன்றியத்தின் சம்பியன்ஸ் லீக் தொடரில், ஜேர்மனிய புண்டெலிஸ்கா கழகமான பொரூசியா மொச்சென்கிளெட்பாவின் மைதானத்தில் இன்று அதிகாலை நடைபெற்ற அவ்வணிக்கும், ஸ்பானிய லா லிகா கழகமான றியல் மட்ரிட்டுக்கும் இடையிலான குழு பி போட்டி ஒன்றானது 2-2 என்ற கோல் கணக்கில் சமநிலையில் முடிவடைந்தது.

றியல் சார்பாக, கரிம் பென்ஸீமா, கஸேமீரோ ஆகியோர் தலா ஒவ்வொரு கோலைப் பெற்றனர். மொச்சென்கிளெட்பா சார்பாகப் பெறப்பட்ட இரண்டு கோல்களையும் மார்க்கஸ் துராம் பெற்றார்.

இதேவேளை, உக்ரேனியக் கழகமான ஷக்தார் டொனெஸ்டெக்கின் மைதானத்தில் நேற்றிரவு நடைபெற்ற அவ்வணிக்கும் இத்தாலிய சீரி ஏ கழகமான இன்டர் மிலனுக்குமிடையிலான இன்னொரு குழு பி போட்டியொன்றானது 0-0 என்ற கோல் கணக்கில் சமநிலையில் முடிவடைந்திருந்தது.