சம்பியன்ஸ் லீக்: அத்லாண்டாவை வென்ற றியல் மட்ரிட்

ஐரோப்பிய கால்பந்தாட்டச் சங்கங்களின் ஒன்றியத்தின் சம்பியன்ஸ் லீக் தொடரில், இத்தாலிய சீரி ஏ கழகமான அத்லாண்டாவின் மைதானத்தில் புதன்கிழமை (11) நடைபெற்ற அவ்வணியுடனான போட்டியை 3-2 என்ற கோல் கணக்கில் நடப்புச் சம்பியன்களான றியல் மட்ரிட் வென்றது.

ஸ்பானிய லா லிகா கழகமான மட்ரிட் சார்பில் கிலியான் மப்பே, வின்ஷியஸ் ஜூனியர், ஜூட் பெல்லிங்ஹாம் ஆகியோர் தலா ஒவ்வொரு கோலைப் பெற்றனர். அத்லாண்டா சார்பாக சார்ல ட கிட்டிலாவா, அடிமோலா லுக்மான் ஆகியோர் தலா ஒவ்வொரு கோலைப் பெற்றனர்.

இதேவேளை தமது மைதானத்தில் நடைபெற்ற இன்னொரு இத்தாலிய சீரி ஏ கழகமான இன்டர் மிலனுடனான போட்டியில் 1-0 என்ற கோல் கணக்கில் ஜேர்மனிய புண்டெலிஸ்கா கழகமான பயேர் லெவர்குசன் வென்றது. லெவர்குசன் சார்பாகப் பெறப்பட்ட கோலை நோர்டி முகியேலே பெற்றிருந்தார்.

இந்நிலையில் இன்னொரு ஜேர்மனிய புண்டெலிஸ்கா கழகமான ஆர்.பி லெய்ப்ஸிக்கின் மைதானத்தில் நடைபெற்ற அவ்வணியுடனான போட்டியை 3-2 என்ற கோல் கணக்கில் வென்ற இங்கிலாந்து பிறீமியர் லீக் கழகமான அஸ்தன் வில்லா இறுதி 16 அணிகளுக்கான சுற்றுக்குத் தகுதி பெறுவதை இன்னும் இரண்டு போட்டிகள் இருக்கையிலேயே உறுதி செய்ய, லெய்ப்ஸிக் தொடரிலிருந்து வெளியேறுவதும் உறுதியானது.