சிற்றிக்குச் செல்கிறாரா றாமோஸ்?

ஸ்பானிய லா லிகா கால்பந்தாட்டக் கழகமான றியல் மட்ரிட்டின் அணித்தலைவரான சேர்ஜியோ றாமோஸின் நிலையை இங்கிலாந்து பிறீமியர் லீக் கழகமான மன்செஸ்டர் சிற்றி நெருக்கமாகப் பின்தொடருவதாகக் கூறப்படுகிறது.

றியல் மட்ரிட்டில் தனது ஒப்பந்தத்தை பின்களவீரரான றாமோஸ் புதுப்பிக்கா விட்டால், இரண்டு ஆண்டுகள் ஒப்பந்தமொன்றை வழங்குவது குறித்து சிற்றி கருத்திற் கொள்வதாக பல தகவல் மூலங்கள் தெரிவித்துள்ளன.

றியல் மட்ரிட்டுடனான 35 வயதான றாமோஸின் ஒப்பந்தமானது இம்மாதம் 30ஆம் திகதியுடன் முடிவடைகின்ற நிலையில், அவரது முன்னுரிமையானது றியல் மட்ரிட்டுடனும் ஒப்பந்தத்தை புதுப்பிப்பதாகவே இன்னும் காணப்படுகின்றது.