ஜனவரியில் ஒஸிம்ஹென்னை ஆர்சனல் கைச்சாத்திடாது

இத்தாலிய சீரி ஏ கால்பந்தாட்டக் கழகமான நாப்போலியின் முன்களவீரரான விக்டர் ஒஸிம்ஹென்னைக் கைச்சாத்திடுவதற்குத் தேவையான 68 மில்லியன் ஸ்டேர்லிங்க் பவுண்ஸ்களை ஆர்சனல் அடுத்தாண்டு ஜனவரியில் செலுத்தாதெனக் கூறப்படுகிறது.

நீண்ட காலமான 25 வயதான ஒஸிம்ஹென்னைக் கைச்சாத்திட ஆர்சனல் விரும்பியிருந்தபோதும் நடப்புப் பருவகாலம் முழுவதும் முதற்தெரிவு முன்களவீரராக கை ஹவேர்ட்ஸை தக்க வைக்கும் என எதிர்பார்க்கப்படுகிறது.

தற்போது கடனடிப்படையில் துருக்கியக் கழகமான கலடசரேயில் ஒஸிம்ஹென் விளையாடிவருகின்றபோதும் மூன்றாவது கழகமொன்றில் அவரை இணைய அனுமதிக்கும் சரத்தொன்று அவரது கடன் ஒப்பந்தத்தில் காணப்படுகின்றமை குறிப்பிடத்தக்கது.