டோக்கியோ 2020: இறுதிப் போட்டியில் பிரேஸில், ஸ்பெய்ன்

ஜப்பானில் நடைபெற்றுவரும் டோக்கியோ 2020 ஒலிம்பிக் போட்டிகளின் ஆண்களுக்கான கால்பந்தாட்டத்தில் இறுதிப் போட்டிக்கு நடப்புச் சம்பியன்கள் பிரேஸில், ஸ்பெய்ன் ஆகியன தகுதி பெற்றுள்ளன.

பெனால்டி வரை சென்ற மெக்ஸிக்கோவுடனான அரையிறுதிப் போட்டியில் 4-1 என்ற ரீதியில் வென்றே இறுதிப் போட்டிக்கு பிரேஸில் தகுதி பெற்றிருந்தது. போட்டியின் வழமையான நேரத்திலும் மேலதிக நேரத்திலும் 0-0 என்ற கோல் கணக்கில் சமநிலையிலேயே போட்டி காணப்பட்டிருந்தது.

இதேவேளை, மேலதிக நேரத்தில் மார்கோ அஸென்ஸியோ பெற்ற கோலுடன் 1-0 என்ற கோல் கணக்கில் ஜப்பானை அரையிறுதியில் வென்று இறுதிப் போட்டிக்கு ஸ்பெய்ன் தகுதி பெற்றிருந்தது.