மக்கிரேகருடன் ஓகஸ்டில் மோதுகிறார் மேவெதர்

குத்துச் சண்டை ஜாம்பவானான, ஐக்கிய அமெரிக்காவின் புளொய்ட் மேவெதர், தற்காப்புக் கலைகள் கலந்த யு.எப்.சி சம்பியனான, அயர்லாந்தின் கோணர் மக்கிரேகருடன், எதிர்வரும் ஓகஸ்ட் மாதம் மோதவுள்ளார்.  

குறித்த மோதல், ஐக்கிய அமெரிக்காவின் லாஸ் வேகாஸில், எதிர்வரும் ஓகஸ்ட் 26ஆம் திகதி நடைபெறும் என, “இது உத்தியோகபூர்வமானது” என்ற செய்தியுடன், டுவிட்டரில், 40 வயதான மேவெதர் உறுதிப்படுத்தினார்.  

இந்நிலையில், குறித்த மோதலின் மூலம் மேவெதரும், 28 வயதான மக்கிரேகரும் 100 மில்லியன் ஐக்கிய அமெரிக்க டொலர்களை ஈட்டுவர் என எதிர்பார்க்கப்படுகிறது.