முதலாமிடத்துக்கு முன்னேறிய அன்டர்சன்

சர்வதேச கிரிக்கெட் சபையின் டெஸ்ட் போட்டிகளுக்கான பந்துவீச்சாளர்களின் தரவரிசையில் முதலாமிடத்துக்கு இங்கிலாந்தின் வேகப்பந்துவீச்சாளர் ஜேம்ஸ் அன்டர்சன் முன்னேறியுள்ளார்.

நியூசிலாந்துக்கெதிரான முதலாவது டெஸ்டில் 7 விக்கெட்டுகளைக் கைப்பற்றியமையைத் தொடர்ந்தே, இரண்டாமிடத்திலிருந்து ஓரிடத்துக்கு முன்னேறி முதலாமிடத்தையடைந்துள்ளார்.

இதேவேளை, அவுஸ்திரேலியாவுக்கெதிரான இரண்டாவது டெஸ்டில் 6 விக்கெட்டுகளைக் கைப்பற்றிய இந்தியாவின் இரவிச்சந்திரன் அஷ்வின், மூன்றாமிடத்திலிருந்து ஓரிடம் முன்னேறி இரண்டாமிடத்தை அடைந்துள்ளார்.

இந்நிலையில், இதே டெஸ்டில் 10 விக்கெட்டுகளைக் கைப்பற்றிய இந்தியாவின் இரவீந்திர ஜடேஜா, 15ஆம் இடத்திலிருந்து ஆறு இடங்கள் முன்னேறி ஒன்பதாமிடத்தை அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ஜேம்ஸ் அன்டரசன், 2. இரவிச்சந்திரன் அஷ்வின், 3. பற் கமின்ஸ், 4. ஒலி றொபின்ஸன், 5. ஜஸ்பிரிட் பும்ராஹ், 6. ஷகீன் ஷா அஃப்ரிடி, 7. ககிஸோ றபாடா, 8. கைல் ஜேமிஸன், 9. இரவீந்திர ஜடேஜா, 10. மிற்செல் ஸ்டார்க்.

முதல் 10 துடுப்பாட்டவீரர்களின் தரவரிசை பின்வருமாறு,

1. மர்னுஸ் லபுஷைன், 2. ஸ்டீவ் ஸ்மித், 3. பாபர் அஸாம், 4. ட்ரெவிஸ் ஹெட், 5. ஜோ றூட், 6. றிஷப் பண்ட், 7. றோஹித் ஷர்மா, 8. கேன் வில்லியம்ஸன், 9. திமுத் கருணாரத்ன, 10. உஸ்மான் கவாஜா.

இதேவேளை மேற்படி டெஸ்டில் 74 ஓட்டங்களைப் பெற்ற இந்தியாவின் அக்ஸர் பட்டேல், ஏழாமிடத்திலிருந்து இரண்டு இடங்கள் முன்னேறி ஐந்தாமிடத்தையடைந்தார்.

முதல் ஐந்து சகலதுறைவீரர்களின் தரவரிசை பின்வருமாறு,

1. இரவீந்திர ஜடேஜா, 2. இரவிச்சந்திரன் அஷ்வின், 3. ஷகிப் அல் ஹஸன், 4. பென் ஸ்டோக்ஸ், 5. அக்ஸர் பட்டேல்.