முன்னிலையில் அவுஸ்திரேலியா

பாகிஸ்தானுக்கெதிரான மூன்றாவது டெஸ்டில் முன்னிலையில் அவுஸ்திரேலியா காணப்படுகின்றது.

மூன்று போட்டிகள் கொண்ட இத்தொடரின் முதலிரண்டு போட்டிகளிலும் தோற்று தொடரை ஏற்கெனவே பாகிஸ்தான் இழந்துள்ள நிலையில், சிட்னியில் நேற்று முன்தினம் ஆரம்பமான இப்போட்டியின் நேற்றைய இரண்டாம் நாளை விக்கெட் இழப்பின்றி ஆறு ஓட்டங்களுடன் ஆரம்பித்த அவுஸ்திரேலியா 34 ஓட்டங்களுடன் டேவிட் வோர்னரை அக்ஹா சல்மானிடம் இழந்தது.

தொடர்ந்து 47 ஓட்டங்களுடன் உஸ்மான் கவாஜாவை ஆமிர் ஜமாலிடம் இழந்த அவுஸ்திரேலியா, போதிய வெளிச்சமின்மை மற்றும் மழை காரணமாக நேற்றைய நாள் முன்னரே முடிவுக்கு வந்தபோது 2 விக்கெட்டுகளை இழந்து 116 ஓட்டங்களைப் பெற்றிருந்தது. களத்தில் மர்னுஸ் லபுஷைன் 23 ஓட்டங்களுடனும், ஸ்டீவன் ஸ்மித் ஆறு ஓட்டங்களுடனும் ஆட்டமிழக்காமலுள்ளனர்.