மெர்சிடீஸ் கிண்ணத்தை வென்றார் பெடரர்

ஜேர்மனியின் ஸ்டட்கார்ட்டில் இடம்பெற்றுவந்த மெர்சிடீஸ் கிண்ணத் தொடரில், தற்போதைய உலகின் முதல்நிலை வீரரான சுவிற்ஸர்லாந்தின் ரொஜர் பெடரர் சம்பியனானார்.

20 தடவைகள் கிரான்ட் ஸ்லாம் சம்பியனான ரொஜர் பெடரர், குறித்த தொடரின் இறுதிப் போட்டியில், 6-4, 7-6 (7-3) என்ற நேர் செட்களில் கனடாவின் மிலோஸ் றாவோனிச்சை வென்று சம்பியனானார்.

இந்நிலையில், இத்தொடரின் இறுதிப் போட்டிக்கு முன்னேறியதன் மூலம் தரவரிசையில் முதலிடத்தை உறுதிப்படுத்திய 36 வயதான ரொஜர் பெடரர், நேற்று வெளியிடப்பட்ட தரவரிசையில், முதலிடத்திலிருந்த ஸ்பெய்னின் நடாலை பின்தள்ளி முதலிடத்தைப் பெற்றுக் கொண்டார்.