மொன்ஸாவிடம் தோற்ற நடப்புச் சம்பியன்கள்

இத்தாலிய சீரி ஏ கால்பந்தாட்டக் கழகமான ஏ.சி மொன்ஸாவின் மைதானத்தில் திங்கட்கிழமை (19) அதிகாலை நடைபெற்ற அவ்வணியுடனான போட்டியில் 2-4 என்ற கோல் கணக்கில் நடப்புச் சம்பியன்களான ஏ.சி மிலன் தோற்றது.

மிலன் சார்பாக, ஒலிவியர் ஜிரூட், கிறிஸ்டியன் புலிசிச் ஆகியோர் தலா ஒவ்வொரு கோலைப் பெற்றனர். மொன்ஸா சார்பாக மட்டியோ பெஸினா, டனி மோட்டா, வரென் பொன்டோ, லொரென்ஸோ கொலொம்போ ஆகியோர் தலா ஒவ்வொரு கோலைப் பெற்றனர்.

இதேவேளை, தமது மைதானத்தில் ஞாயிற்றுக்கிழமை (18) நடைபெற்ற பொலொக்னாவுடனான போட்டியில் 1-2 என்ற கோல் கணக்கில் லேஸியோ தோற்றது.

சீரி ஏ புள்ளிகள் பட்டியலில் 63 புள்ளிகளுடன் முதலாமிடத்தில் இன்டர் மிலனும், 54 புள்ளிகளுடன் இரண்டாமிடத்தில் ஜுவென்டஸும், 52 புள்ளிகளுடன் மூன்றாமிடத்தில் ஏ.சி மிலனும் உள்ளன. அத்லாண்டாவும், பொலொக்னாவும் தலா 45 புள்ளிகளைப் பெற்றுள்ளபோதும் கோலெண்ணிக்கை அடிப்படையில் நான்காம், ஐந்தாமிடங்களிலுள்ளன. இதில் இன்டர் மிலனும், அத்லாண்டாவும் ஒரு போட்டி குறைவாக விளையாடியுள்ளன.