வலென்சியாவை வென்றது றியல் மட்ரிட்

ஸ்பானியக் கால்பந்தாட்டக் கழகங்களுக்கிடையிலான லா லிகா தொடரில், நேற்று இடம்பெற்ற போட்டியில் வலென்சியாவை றியல் மட்ரிட் வென்றது.

இப்போட்டியில், வலென்சியாவின் பெனால்டி பகுதிக்குள் விதிமுறைகளை மீறி கிறிஸ்டியானோ ரொனால்டோ கையாளப்பட போட்டியின் 16ஆவது நிமிடத்தில் வழங்கப்பட்ட பெனால்டியை கோலாக்கி றியல் மட்ரிட்டுக்கு முன்னிலையை வழங்கிய கிறிஸ்டியானோ ரொனால்டோ, கரிம் பென்ஸீமா விதிமுறைகளை மீறி கையாளப்பட போட்டியின் 38 ஆவது நிமிடத்தில் வழங்கப்பட்ட பெனால்டியையும் கோலாக்கி றியல் மட்ரிட்டின் முன்னிலையை இரட்டிப்பாக்கினார்.

தொடர்ந்து, போட்டியின் 58ஆவது நிமிடத்தில் வலென்சியாவின் சன்டி மினா கோலொன்றைப் பெற்று கோல் வித்தியாசத்தை ஒன்றாகக் குறைத்தபோதும் போட்டியின் 84ஆவது, 89ஆவது நிமிடங்களில் மார்ஷெல்லோ, டொனி க்ரூஸ் ஆகியோர் பெற்ற கோல்களின் காரணமாக, போட்டி முடிவில் 4-1 என்ற கோல் கணக்கில் றியல் மட்ரிட் வென்றது.