வலென்சியாவை வென்ற பார்சிலோனா

ஸ்பானிய கால்பந்தாட்டக் கழகங்களுக்கிடையிலான லா லிகாத் தொடரில், தமது மைதானத்தில் திங்கட்கிழமை (27) அதிகாலை நடைபெற்ற வலென்சியாவுடனான போட்டியில் 7-1 என்ற கோல் கணக்கில் பார்சிலோனா வென்றது.

பார்சிலோனா சார்பாக பெர்மின் லொபேஸ் இரண்டு கோல்களையும், பிரெங்கி டி ஜொங்க், பெரன் டொரஸ், றபீனியா, றொபேர்ட் லெவன்டோஸ்கி ஆகியோர் தலா ஒவ்வொரு கோலையும் பெற்றதோடு, மற்றைய கோல் ஓவ்ண் முறையில் பெறப்பட்டிருந்தது.

லா லிகா புள்ளிகள் பட்டியலில் 49 புள்ளிகளுடன் முதலாமிடத்தில் நடப்புச் சம்பியன்களான றியல் மட்ரிட் காணப்படுகின்றது. 45 புள்ளிகளுடன் இரண்டாமிடத்தில் அத்லெட்டிகோ மட்ரிட்டும், 42 புள்ளிகளுடன் மூன்றாமிடத்தில் பார்சிலோனாவும், 40 புள்ளிகளுடன் நான்காமிடத்தில் அத்லெட்டிக் பில்பாவோவும் காணப்படுகின்றன.