வென்றது பரிஸ் ஸா ஜெர்மைன்

பிரெஞ்சுக் கால்பந்தாட்டக் கழகங்களுக்கிடையிலான லீக் 1 தொடரில், நேற்று இடம்பெற்ற போட்டியொன்றில் லில்லி அணியை பரிஸ் ஸா ஜெர்மைன் வென்றது.

இப்போட்டியின் 28ஆவது நிமிடத்தில், கிலியான் மப்பே கொடுத்த பந்தை அஞ்சல் டி மரியா கோலாக்க முன்னிலை பெற்ற பரிஸ் ஸா ஜெர்மைன், 49ஆவது நிமிடத்தில் அஞ்சல் டி மரியா கொடுத்த பந்தை ஸ்கேவியர் பஸ்டோரே கோலாக்க 2-0 என முன்னிலை பெற்றது.

பின்னர், 86ஆவது நிமிடத்தில் லில்லி அணியின் அன்வர் எல் காஸி கோலொன்றைப் பெற்றபோதும் போட்டியின் இறுதிக் கணத்தில் கிலியான் மப்பே பெற்ற கோல் காரணமாக, இறுதியில், 3-1 என்ற கோல் கணக்கில் பரிஸ் ஸா ஜெர்மைன் வென்றது.