சுருண்டது இங்கிலாந்து

எட்ஜ்பாஸ்டனில் இன்று ஆரம்பமாகிய இங்கிலாந்து, பாகிஸ்தான் அணிகளுக்கிடையிலான மூன்றாவது டெஸ்ட் போட்டியில், நாணயச் சுழற்சியில் வெற்றி பெற்று முதலில் துடுப்பெடுத்தாடிய இங்கிலாந்து அணி, 297 ஓட்டங்களுடன் தமது முதலாவது இனிங்ஸில் சுருண்டது.

துடுப்பாட்டத்தில், கரி பலன்ஸ் 70, மொயின் அலி 63, அணித்தலைவர் அலிஸ்டியர் குக் 45, ஜேம்ஸ் வின்ஸ் 39 ஓட்டங்களைப் பெற்றனர். பந்துவீச்சில், வகாப் ரியாஸுக்கு பதில் அணியில் இடம்பிடித்த சொஹைல் கான் ஐந்து விக்கெட்டுகளையும் ரஹாட் அலி, மொஹம்மட் ஆமிர் ஆகியோர் தலா இரண்டு விக்கெட்டுகளையும் யாசிர் ஷா ஒரு விக்கெட்டினையும் கைப்பற்றினர்.