அரையிறுதிக்கு தென் ஆப்பிரிக்கா தகுதி

உலகக்கிண்ண கிரிக்கெட் போட்டியின் முதல் காலிறுதியில் இலங்கையை 9 விக்கெட்டுகளால் வென்ற தென் ஆப்பிரிக்கா அரையிறுதிக்கு தெரிவாகியுள்ளது.

இந்த வெற்றியின் மூலம் உலகக்கிண்ண போட்டியின் நொக்-அவுட் சுற்றில், தென் ஆப்பிரிக்கா தனது முதல் வெற்றியை பெற்றுள்ளது.

தென் ஆபிரிக்காவின் சிறப்பான பந்துவீச்சு மற்றும் களத்தடுப்பை சமாளிக்கமுடியாத இலங்கை அணி  133 ஓட்டங்களுக்கு சகல விக்கெட்டுகளையும்  இழந்தது. பதிலுக்கு துடுப்பெடுத்தாடிய தென் ஆபிரிக்கா 18 ஓவர்கள் நிறைவில் 1 விக்கெட்டை மாத்திரம் இழந்து வெற்றிபெற்றது.

தென் ஆபிரிக்கா சார்பில் குயின்டன் டீ கொக்  78 ஓட்டங்களை பெற்றுக்கொண்டார். போட்டியின் சிறப்பாட்டக்காரராக 4 விக்கெட்டுகளை வீழ்த்திய  தென் ஆபிரிக்காவின் இம்ரான் தாஹிர் தெரிவானார்.