ஆஸி ஆரம்ப வீரர் விளையாடமாட்டார்

அவுஸ்திரேலிய கிரிக்கெட் அணியின் ஆரம்ப துடுப்பாட்ட வீரர் க்றிஸ் ரொஜஸ், மேற்கிந்திய தீவுகள் கிரிக்கெட் அணியுடன் இன்று ஆரம்பிக்கவுள்ள டெஸ்ட் போட்டியில் விளையாட மாட்டார் என அறிவிக்கப்பட்டுள்ளது. 

வலைப்பயிற்சியில் ஈடுபட்ட வேளையில் அவரின் தலைக்கவசத்தை மேற்கிந்திய உள்ளூர் வீரர் ஒருவரின் பந்து தாக்கியுள்ளது. இதனை தொடர்ந்து அவருக்கு தலையில் வலி தொடர்ந்தும் இருப்பதனால் முதற்ப் போட்டியில் அவரை விளையாட வேண்டாம் என அணியின் வைத்திய நிபுணர் கூறியுள்ளார். 

இதன் காரணமாக அவர் அணியில் இடம் பிடிக்கமாட்டார். இவரின் இடத்திற்கு சோன் மார்ஸ் இணைத்துக்கொள்ளப்படுவார் என நம்பப்படுகின்றது.