விக்கெட்டுகளை பெற முன்னாள் பயிற்றுவிப்பாளர் உதவி: சகிப் அல் ஹசன்

இந்தியா, பங்களாதேஷ் அணிகளுக்கிடையில் நடைபெற்றுவரும் டெஸ்ட் போட்டியில் மூன்றாவது நாளான 12​ஆம் திகதி சகிப் அல் ஹசன் 4 விக்கெட்களைக் கைப்பற்றிக்கொண்டார். தன்னுடையை முன்னாள் பயிற்றுவிப்பாளரான நஸ்முள் ஆப்தீன் வழங்கிய யுக்தியின் மூலமே 4 விக்கெட்களை கைப்பற்ற உதவியதாக சகிப் அல் ஹசன் கூறியுள்ளார். 

இரண்டாவது நாள் ஆட்டம் நிறைவடைந்ததும் அவரிடம் எனது பந்துவீச்சில் சிறிய மாற்றங்கள் செய்வது தொடர்பாக ஆலோசனையைப் பெற்றேன். அதன் போது அவர் நல்ல ஆலோசனைகளை வழங்கியுள்ளார். அதன்படியே விக்கெட்களைக் கைப்பற்றிக்கொண்டேன் என மேலும் சகிப் அல் ஹசன் கூறியுள்ளார். நஸ்முள் ஆப்தீன், தற்போது பங்களாதேஷ் கிரிக்கெட் சபையின் அபிவிருத்தி முகாமையாளராக கடமையாற்றுகின்றார். இவர் சகிப் அல் ஹசனின் ஆரம்பகால பயிற்றுவிப்பாளராக இவர் பயிற்சிகளை வழங்கியுள்ளார். 

சகிப் அல் ஹசன் கைப்பற்றிய 4 விக்கெட்கள் மூலம் பங்களாதேஷில் டெஸ்ட் போட்டிகளில் 100 விக்கெட்களை கைப்பற்றிய முதல் பந்துவீச்சாளர் என்ற சாதனையை தனதாக்கினார்.