மட்டக்களப்பு நகரின் பொது இடங்களில் குப்பைகளை எறிந்த 20 பேருக்கு அபராதம்

  (சிஹாரா லத்தீப்)

மட்டக்களப்பு மாநகர பகுதிக்குள் பொது இடங்களில் டெங்கு நோயை பரப்புவதற்கு ஏதுவாக குப்பைகளை கொட்டி வைத்திருந்த 20 நபர்களுக்கு தலா மூவாயிரம் ரூபா வீதம் மட்டக்களப்பு நீதவான் நீதிமன்ற நீதிபதி வீ.ராமக்கமலன் நேற்று அபராதம் விதித்தார்.

மட்டக்களப்பு தலைமையக பொலிஸாரால் இந்த குற்றப் பத்திரிகை தாக்கல் செய்யப்பட்டிருந்தது.

குறித்த அபராதம் செலுத்தும் குற்றவாளிகள் மீண்டும் குப்பைகளை பொது இடங்களில் கொட்டி வைத்தால் அபராதம் அதிகரிக்கபடும் என நீதிபதி எச்சரித்தார்.