ஏறாவூர்க் கோட்டக்கல்வி அலுவலகம் இடமாற்றம்

-பேரின்பராஜா சபேஷ்

மட்டக்களப்பு மத்தி கல்வி வலயத்தின் ஏறாவூர்க் கோட்டக்கல்வி அலுவலகம் மீராகேணி வாசிகசாலை கட்டடத்தொகுதியின் ஒருபகுதியில் புதன்கிழமை (15) முதல் செயற்படத் தொடங்கியுள்ளதாக அக்கோட்டக் கல்வி அதிகாரி ஐ.எல்.மஹறூப் தெரிவித்தார்.

இந்த அலுவலகம் கடந்த சில வருடகாலமாக ஏறாவூர், அலிகார் தேசிய பாடசாலையின் வகுப்பறைக் கட்டடத்தொகுதியில் தற்காலிகமாக இயங்கிவந்தது. தற்போது கற்றல் நடவடிக்கைக்காக அவ்வகுப்பறைக் கட்டடம் மீள வழங்கப்பட்டுள்ளது. இதன் காரணமாகவே இந்த அலுவலகம் இடமாற்றப்பட்டுள்ளதாகவும் அவர் கூறினார்.