கஞ்சாவுடன் ஒருவர் கைது

-ஏ.எச்.ஏ.ஹுஸைன்

கஞ்சாவுடன் நடமாடிய குற்றச்சாட்டின் பேரில் 27 வயதுடைய ஒருவரை மட்டக்களப்பு, ஏறாவூர் கலைமகள் வித்தியாலய வீதியில் இன்று ஞாயிற்றுக்கிழமை பொலிஸார் கைதுசெய்துள்ளதுடன், அவரிடமிருந்து 5300 மில்லிகிராம் கஞ்சாவையும் கைப்பற்றியுள்ளனர்.

இச்சந்தேக நபர் வீதிகளில் உலாவிக்கொண்டு கஞ்சா விற்பனையில் ஈடுபடுவதாக பொதுமக்களிடமிருந்து தகவல் கிடைத்தது. இதனைத் தொடர்ந்து குறித்த இடத்துக்குச் சென்று சந்தேக நபரிடம் விசாரணை மேற்கொண்டபோது அவரிடம் கஞ்சா இருந்தமை தெரியவந்துள்ளதாக பொலிஸார் தெரிவித்தனர்.