கடல் கொந்தளிப்பு; மீன்பிடி பாதிப்பு

மட்டக்களப்பு மாவட்டத்தில் பாரிய கடல் கொந்தளிப்பு ஏற்பட்டுள்ளது. இதனால் மீன்பிடி நடவடிக்கைகள் முற்றாகப் பாதிக்கப்பட்டுள்ளன.

மீனவர்களைக் கடலுக்குச் செல்ல வேண்டாமென, மாவட்ட வானிலை அவதான நிலையம் வேண்டுகோள் விடுத்துள்ளது.

புதியகாத்தான்குடி, ஏத்துக்கால, பாலமுனை, புநொச்சிமுனை, புன்னைக்குடா, வாகரை உட்பட பல கரையோரப் பிரதேச மீனவர்களின் வாழ்வாதாரம், இதனால் பெரிதும் பாதிக்கப்பட்டுள்ளது.

கடல் கொந்தளிப்பு காரணமாக மீனவர்கள் தமது படகுகள் மற்றும் மீன்பிடிக் கலன்களை கரையிலிருந்து நீண்டதூரத்தில் நிறுத்தி வைத்துள்ளனர்.

இம்மாவட்டத்தில் சுமார் 23 ஆயிரம் குடும்பங்கள், மீன்பிடித் தொழிலில் ஈடுபட்டுள்ளதென, மாவட்ட கடற்றொழில் திணைக்கள பிரதிப் பணிப்பாளர் ருக்சான் குறூஸ் தெரிவித்தார்.