கல்லடியில் ஆணின் சடலம் மீட்பு

கனகராசா சரவணன், வ.சக்தி

மட்டக்களப்பு, கல்லடி, இக்னேசியஸ் விளையாட்டு மைதானத்துக்கு அருகிலுள்ள களப்பில், பழுதடைந்த நிலையில் ஆணொருவரின் சடலம், இன்று (06) மீட்கப்பட்டுள்ளதாக, காத்தான்குடி பொலிஸார் தெரிவித்தனர். 

பொதுமக்கள் வழங்கிய தகவலுக்கு அமைய, சிவப்பு நிற ரி-சேட்டும் நீல நிற டெனிம் ரவுசரும் அணிந்திருந்த சுமார் 30 வயது மதிக்கத்தக்க ஆணின் சடலமே மீட்கப்பட்டுள்ளதாகவும் பொலிஸார் தெரிவித்தனர்.  

சடலம், பிரேத பரிசோதனைக்காக மட்டக்களப்பு போதனா வைத்தியசாலையில் ஒப்படைக்கப்பட்டுள்ளது.

சம்பவம் தொடர்பான மேலதிக விசாரணைகளை காத்தான்குடி பொலிஸார் மேற்கொண்டுவருகின்றனர்.