‘சிறுவர்களுக்கு பூங்கா இலவசம்’

நாட்டில் சிறுவர் தினம் கொண்டாடப்படும் நாளை மறுதினத்தில் (01), மட்டக்களப்பு - மண்முனைப் பற்று பிரதேசத்திலுள்ள ஆரையம்பதி சிறுவர் பூங்காவை, சிறுவர்கள் இலவசமாகப் பயன் படுத்த முடியுமென, மண்முனைப் பற்று பிரதேச சபை ஏகமனதாகத் தீர்மானம் நிறைவேற்றியுள்ளது.

இது தொடர்பான முன்மொழிவொன்றை, மண்முனைப் பற்று பிரதேச சபை உறுப்பினர் எம்.ஐ.முகம்மட் நசீம் முன் வைத்தார்.

இந்த முன் மொழிவு சபை உறுப்பினர்களால் ஏற்றுக் கொள்ளப்பட்டதையடுத்து,  சிறுவர் தினத்தன்று (ஒக்.01), அங்குள்ள விளையாட்டு உபகரணங்களை, சிறுவர்கள் இலவசமாகப் பயன்படுத்த முடியுமெனத் தீர்மானம் நிறைவேற்றப்பட்டுள்ளதாக, முகம்மட் நசீம் தெரிவித்தார்.