மீனவ குடும்பங்களுக்கு உலர் உணவு பொருள்கள்

எம்.எஸ்.எம் நூர்தீன்

காத்தான்குடியில் 24 மீனவக் குடும்பங்களுக்கு தலா 2,000 ரூபாய் பெறுமதியான உலர் உணவுப் பொருள்கள், பூநொச்சிமுனையில் இன்று (18)  வழங்கி வைக்கப்பட்டன.

காத்தான்குடி மத்திய கல்லூரியில் 1992ஆம் ஆண்டு கல்விப் பொதுத் தரம் உயர் தர வகுப்பு  மாணவர்களின் ஏற்பாட்டில் நடைபெற்ற இந்த நிகழ்வின்  போது, இப்தார் நிகழ்வும் நடைபெற்றது.

காத்தான்குடி மத்திய கல்லூரியில் 1992ம் ஆண்டு கல்விப் பொதுத் தரம் உயர் தர வகுப்பு  மாணவர் சமூகத்தின் தலைவரும் கூட்டுறவு அபிவிருத்தி உத்தியோகத்தருமான கலீலுர் ரஹ்மான் தலைமையில் இந்த நிகழ்வு நடைபெற்றது.